5 boas razóns para perderche na Illa de Ons
Nosas costas albergan tesouros tan espectaculares e máxicos como a Illa de Ons, unha gran descoñecida se a comparamos coa súa irmá Cíes, máis turística e tamén outra marabilla imprescindible para visitar se decides desprazarche cara ao Parque das Illas Atlánticas. Por que ir a Ons? Brisa fresca, océano azulado, a canción dos golfiños e as gaivotas ou o seu clima de luxo son algunhas razóns, pero neste artigo queremos darche algunhas máis.
Motivos para gozar da Illa de Ons
- Este arquipélago e a súa illa de maior tamaño e nome homónimo, contan cunha chea de praias paradisíacas de area branca e fina, entre as que podemos destacar a de Área dos Cans e as máis descoñecidas de Canexol ou Pereiró, cun mar salpicado de pedras e unha gran variedade de especies mariñas. Se es amante da praia, non bañarte nestas augas é un pecado.
- Rutas de sendeirismo espectaculares: Para os camiñantes e curiosos que queiran descubrir os segredos da paisaxe, nun día pódese percorrer a illa ao completo, sucada de cantiis abruptos e fermosos bosques de arbustos. Se non tes moito tempo, podes facer a ruta sur, de ao redor de seis quilómetros.
- Vistas de infarto: Dende o miradoiro de Fedorentos poderás sacar fotos de luz privilexiada e admirar a entrada da ría de Pontevedra, o illote de Onza e o arquipélago das Cíes. Tamén podes chegar ao denominado "Buraco do Inferno", protexido por un touro con cornos de ouro e que segundo a lenda, constituía a entrada ao mundo dos mortos. Cando hai tormenta, o mar resoa a través de dita cavidade.
- O seu faro, a 128 metros sobre o mar: Se non tes vertixe e queres gozar das vistas, o Faro de Ons é un dos máis grandes de todo o país e ademais, a súa beleza destaca por estar cuberto de bonitos azulexos. Xunto aos de Sálvora e Sisargas, foi dos últimos faros de petróleo a presión que existiron. En 1990 a súa alimentación reconverteuse a enerxía fotovoltaica.
- O encanto do pequeno pobo de Curro: A diminuta "capital" da illa permíteche degustar un dos pratos máis típicos da comarca: o apetitoso polbo "á feira" con cachelos -patacas cocidas-. Por último, tamén podes acudir a un dos puntos máis descoñecidos de Ons, Punta do Centolo, que che ofrece outra bela panorámica da costa galega.
